Itnaa to hua aye dil, ek shaksh kay jaanay say
Bichday huye miltay hain kuch dost puranay say
Ab mera safar tanhaa, ab uskee judaa manzil
poocho naa pataa uskaa, tum meray tthikaanay say
ruswaaii to wiasay bhee, taqdeer hai aashiq kee
zillat bhee milee hum ko, ulfat kay fasaanay say
raoshan huye veeranay, khush hoogayee dunyaa bhee
kuch hum bhee sukoon say hain, ghar apnaa jalaanay say
1 comment:
Very nice site! » »
Post a Comment